Mga Senyales na Masyado Kang Busy

Nahugot mula sa Someecards.

1) Kapag may lakad ang barkada niyo, iniimbitahan ka nila ONE YEAR before.

2) Naalala mong ninong ka pala sa binyag ng anak ng kaibigan mo nung makita mo ang pics ng debut niya.

3) Mas marami pa ang gamit mo sa opisina kesa sa bahay.

4) Masuwerte na ang Facebook friends mo kapag na-seenzoned mo sila.

5) Anlalaki ng mga masels mo. Kaso sa ilalalim ng mata. Tinalo mo pa ang panda sa laki ng eyebags mo. Tulog tulog din pag may time.

6) Lunchbreak, coffeebreak at yosibreak na lang ang depinisyon mo ng bakasyon.

7) Mas matagal pa ang shift mo kesa sa shift ng sikyu ng opisina niyo.

8) Namimiss mo nang kiligin nang tunay. Tuwing umiihi ka na lang kinikilig.

9) Kapag umuuwi ka sa inyo, madalas kang napagkakamalang nanloloob ng bahay.

10) Kapag nagpopost ka ng picture, automatic #TBT agad yun.

11) Pinagdadasal ng mga kaibigan mo na sana mamatay ka na. Bakasakaling magparamdam ka na sa kanila kapag multo ka na.

12) Nalalaman ng barkada mo ang kahulugan ng "PATIENCE", lalo na kapag sinusubukan ka nilang kontakin.

13) Nauulol ang mga kaopisina mo kapag di ka pumasok.